Tysnes Kraftlag (TK) vart stifta i 1946 som eit selskap med skiftande kapital og avgrensa ansvar. Parteigarar i TK er hovudsakleg privatpersonar.

TK sitt konsesjonsområde er avgrensa av kommunegrensene til Tysnes kommune.

Kraftlaget har kontor og lager i Våge.

TK eig og driv 24 kV, 1 kV og 0,24 kV linjenett i konsesjonsområdet. Samla linjelengde er 530 km fordelt på 170 km høgspent og 360 km lågspent. Det er lagt 12 km høgspentkabel og 64 km lågspentkablar. Det er installert 170 høgspenttransformatorar og 17 lågspenttransformatorar.

Selskapet sitt hovudvirkefelt er drift, vedlikehald og nybygging av linjenettet på Tysnes samt kraftlevering til sluttbrukar, og bygging av fibernett.

Det var 18 tilsette i TK i 2007.

Styret består av 6 medlemmer, vald av medlemmane på årleg parteigarmøte.

TK har nettavdeling som femnar området drift/anlegg høgspent, lågspent og fibernett, samt tilstandsbasert vedlikehald. Nettavdelinga tek seg og av planlegging, nettinformasjon og kartverk.

TK har kontoravdeling som femnar kundemottak, abonnement, måling, løn og rekneskap.